السلام عليكم احبتي في الله
عندي ليكم واحد الوصفات لقيت عليهم راحتي الحمد لله
بلاما نطول عليكم انا غنكلمكم باختصار انا كنت الماسك اللي سمعتو كنديرو كانت بشرتي بيضا وصافية من غير اي شيء تعرضت حروق الشمس وولات فيا نقاطي كحلين في وجهي وكنت كنبات نحلم بوجهي بالليل والنهار الوصفة اللي سمعتها كنديرها بدون نتيجة وكاينين حتى شي وصفاة كملو عليا وكنشوف في المرايا اكنشوف تصاوري اكتجيني البكية ومن بعد لقيت 2 وصفات في هد الاسبوع في المنتديات وبصراحة جربتهم ب2 املي لقيتهم زوينين بديت كندير واحدة في الصباح الخرى بلعشية هد الوصفات تقدرو تكونو شفتوهم امعطتهمش اهمية الحمد لله وجهي حيدات منو السمرية ديال الشمس والنقيطات بهاتو وغادين اغبرو باذن الله تعالى ومن بعد هد الوصفات عمرني منبقى ندير من غيرهم طولت عليكم ياك وخودو الوصفة الاولى.
2 قشور البنان غير القشور فقط+قل من نصف حامضة بقشورها+نصف بطاطا مصلوقة بقشورها +تعملي معاهم شوي الحليب خضر وطحنيهم في الخلاط الكهربائي ومديروش الحليب بزاف باش ابقا الخليط خاتر باش اوقف على الوجه وقبل متعملو الماسك خاص واحد تمرين للوجه تحركيه شوية بطريقة دائرية عاد تحطي الماسك وهد الماسك ديريه حتى لاديك ارجليك والجسم كامل وغادين تشوفو البياض من بعد وجربو اردو عليا الخبار.
الوصفة التانية.
تاخدو العرعار خضر وتغسلوه اتكرموه غير في الضل مطلعوهش للشمس وملي يبس تشدي اللبن وطحنيهم ب2 في الخلاط وتخليه عاقد شوي وديريه ماسك ويتغسل بالماء بارد هو الماسك اللي قبل غادين تقولو ليا العرعار حار كيفاش غادي اصلح الوجه انا قلتها قبل منكم وملي فكرت لقيت الناس كيداويو بيه المعدة والمصارن ادن المعدة ديالنا راها رطبة ورقيقة علة وجوهنا وبالعكس هو كيداويها ودرتها هد الوصفة مع العلم ان بشرتي حساسة واالله على مااقول شهيد
واللي نفعاتها الوصفات اللي قلت ليكم دعيو ليا ايسر ليا ربي في زواجي ودعيو مع اصحاب الوصفات اللي بغات شي تفسير انا تحت امرها
[/URL 
منتدى حسن خربيش 
موضوع: لبشرة نظرة اقسم بالله 
